Энергетиктер күні — электр және жылу энергиясын өндіруді, беруді және тұтынушыларға сатуды қамтитын энергетика саласындағы барлық жұмысшылардың кәсіби мерекесі. Мемлекет басшысы Қасым-Жомарт Кемелұлы Тоқаев энергетика саласын стратегиялық басымдық деп санайды. Еліміздің дамуы энергетика кешенінің тұрақтылығына тікелей байланысты.

Аудан әкімдігінің мәжіліс залында 22 желтоқсан — Энергетиктер күніне орай өңір басшысы А.Абдинов сала қызметкерлерімен мерекелік қабылдау өткізді.

«Біздің ғасырымыз – жоғары технологиялар мен энергияның ғасыры. Соның ішінде күнделікті өмірімізде энергияның маңызы мен қажеттілігіне баға жетпейді. Жылу,жарық,электр энергиясы халық шаруашылығының барлық салаларының жұмысы мен тіршілігін қамтамасыз етеді. Бұл бағытта сіздердің еңбектеріңіз орасан зор»,- деді өңір басшысы А.Абдинов.

Сонымен қатар, еліміздің энергетикалық әлеуеті мен ауданымыздың әлеуметтік-экономикалық дамуына қосқан үлесі үшін сала қызметкерлеріне облыс әкімі Б. Исабаев пен облыс әкімінің орынбасары Ә. Қанағатовтың алғыс хаты мен аудан әкімінің Құрмет грамотасы мен алғыс хаты табысталды.

А.МҰРАТ,

аудан әкімінің баспасөз хатшысы.