Қазақстанның күннен-күнге қарыштап, көз ілеспес жылдамдықпен өркендеуі Елбасы қолға алған ынтымақ пен бірлікптің, татулықтың арқасы. Президент Н.Назарбаевтың бастамасымен бұл күнде Қазақстан татулықтың бейбіт отанына, алтын көпіріне айналды. Халқымыздың қанындағы көп асыл қасиеттің бірі ақкөңілдігі мен досына құшағын айқара аша білуі. Соның арқасында қаншама ұлт өкілдері тату-тәтті тұрып жатыр. Елбасы сөзімен айтсақ, әр Республиканың ұлттар достығының ұясына айналуы –ықпалдасқан ынтымақ пен түсінушіліктің жемісі, бейбіт өміріміз бен мемлекетіміздің басты тірегі.

Н.Әбішұлының даламыздың дана билеріндей елдерді татуластыра білуі, қиыннан қиыстырып, қиюыкетті деген ескі дауды екі ауыз сөзбен шешуі, не болмаса асықпай келісім жүргізіп береке келтіруі сияқты қадір-қасиеттерінен тәлім алуымыз қажет. Дүние жүзілік қырғын апаттың ықтимал құралы-ядролық қаруға тиым салу, Семей полигонын жабу және осы бағыттағы басқа да іс-қимылдар жүние жүзілік ядролық қаруларға тосқауыл қою жөніндегі келісімдердің тірегіне айналды. Пәкстан мен Үндістан бір-біріне ядролық қару кезеген қауіпті тұста бұл мәселе Н.Назарбаевтың келелі кеңеске шақыруымен келісім тапқаны Елбасымыздың өзіміздің елде ғана емес, сырт елдерде де абыройы мен беделінің қаншалықты жоғары екенін білдіреді.

Елін сүйген Елбасы: «Мен –өз халқымның алдында басымды бәйгеге тіккен адаммын. Маған ары үшін жанын садаға еттетін осындай текті халыққа, перзентім деп төбесіне көтерген халыққа, арғы-бергідегі қазақ баласының бірде-бірінің пешенесіне бұйырмаған бақытты – Тәуелсіз мемлекет құрудың басында болу бақытын бұйыртқан халыққа қызмет етуден артық ештеңе жоқ, осы жолда мен бойымдағы бар қайрат-қабілетімді, білім-білігіді аямай жұмсаймын, қандай да бір тәуекелге барамын»,- деген болатын. Бұдан асырып сөз айту аса қиын шығар, сірә!

Ынтымақты ұран, татулықты ту еткен бейбіт халқымыздың осынау табысы, еліміздің қарқынды дамуы – тұрақты саясат пен ішкі бірліктің арқасы, мемлекетіміздің тұңғыш Президенті Н.Назарбаеватың сарабдал саясатының жемісі. 27 жыл ішінде Қазақстан экономиканы дамытуда, халықтың әл-ауқатын қамтамасыз етуде аса зор жетістіктерге қол жеткізді. Тұрақтылық және қоғамдағы өзара түсіністік, өте жоғары жауапкершілікпен жүзеге асырылған сыртқы саясат республиканың ғаламдық деңгейде беделін өсірді. Бүгінгі Қазақстан – кемелденген, қуатты, іргелі мемлекет. Шын мәнінде, бұл – біздің бірлігі бекем халқымыздың ерен еңбегінің арқасы, Елбасымыздың орасан зор қызметінің көрінісі.

М.САЙДИЛЬДИН,

«Сайдильдин» ЖК-нің директоры.