Қазіргі таңда қазақы тірілктің қазаны қайнаған, берекелі де мерекелі Екпінді ауылында саяси науқан. Аталған округ әкімі лауазымына сайлау басталуда.
Осы ретте «Аманат» партиясы атынан ұсынылған, бұған дейін Ақжар ауылдық округінің әкімі, аудан әкімі аппаратының басшысы, аудан әкімінің кеңесшісі қызметтерін атқарған Бақытбек Сүлейменов та үміткерлер қатарында.
Үгіт-насихат жұмыстары барысында Б.Сүлейменов Екпінді және Үшқайың ауылдарында «Есіктен есікке» шарасы аясында халықпен жүздесіп, өзінің сайлауалды бағдарламасын таныстырып, тұрғындардың пікірлерін тыңдады.
Кездесулер барысында ауыл тұрғындары өздерін толғандырып жүрген тақырыптарын көтеріп, округтің өркендеуіне қажетті жұмыстар жайында сөз қозғады. Сондай-ақ үміткердің сайлауалды бағдарламасына оң бағаларын беріп, сәттілік тілеуде.
Сондай-ақ, Б.Сүлейменов ауыл қарияларымен жолығып, аман-саулықтарын сұрастырып, әкім болған жағдайда алдағы 4 жылдықта атқарар жұмыстарын тізбектеді. Қарттардың ақ батасын алып, пікірлерін тыңдады.
Үміткер мектеп ұжымдарымен де жолығып, білім саласы мен мұғалімдер мәртебесі, мектептерге жағдай жасау, «Дипломмен ауылға» бағдарламасы және көтермеақы төңірегіндегі мәселелерді қозғады.
Алакөл ақпарат.