Биылғы жылы «Нұр Отан» партиясының құрылғанына 20 жыл толды. Осы уақыт аралығында партия ел сеніміне ие болған, беделді саяси ұйымға айналды.

Жуырда Астана қаласында «Нұр Отан» партиясының ХVIII съезі өтті.оған ауданнан 3 делегат барды.                            

Мемлекет басшысы өз сөзінде 20 жыл ішінде қол жеткізген жетістіктерге тоқталып, елімізде болған барлық оң өзгерістердегі партияның рөлін ерекше атап өтті.            

Бұл съезд – партия тарихындағы ерекше, алдағы онжылдықта дамудың бағыт-бағдарын айқындаған басқосу болды. Партия төрағасының съезде алға қойған міндеттері мен тапсырмалары негізінде «Бақуатты қоғам: онжылдықтың 10 мақсаты» атты 2030 жылға дейінгі жаңа бағдарламасы қабылданды.           

Аталған бағдарлама – халықтың аз қамтылған топтарының табысын арттыруға, тұрғын үй мәселесін шешуге, білім беру мен денсаулық сақтау саласын жақсартуға, өңірлердің кешенді дамуына бағытталған.Қазақстандықтар мемлекет тарапынан күткен әлеуметтік қолдауға бағытталған, басқа да көкейдегі сұрақтарына  барынша нақты жауаптарын алды.         

Осы орайда, наурыздың төртінде«Нұр Отан» партиясы облыстық филиалының активі өтіп, съезд шешімдерін іске асыруға байланысты бірқатар шешімдер қабылдады. Бұл бағытта «Нұр Отан» партиясы аудандық филиалы да барлық 24 бастауыш партия ұйымдарында съезд шешімдерін түсіндіру және оны іске асыру шаралары бойынша кешенді жұмыстар жүргізуде. Осындай сындарлы сәтте барлық партияластарды белсенділік танытуға шақырамыз.

Қ.КӨКЕБАЕВ,

«Нұр Отан» партиясы аудандық филиалы төрағасының бірінші орынбасары.