Жуырда З.Қойшыбаева атындағы аудандық мәдениет үйінде «Nur Otan» партиясы аудандық филиалының кезектен тыс ХХІІ конеренциясы өтті.
Оған партия мүшелері, қоғам белсенділері және жергілікті округ әкімдері мен бөлім, мекеме басшылары қатысты.
Алғы сөз алған өңір басшысы Ә.Жақанбаев партия тарапынан аудан аумағында атқарылып жатқан келелі істерді бір шолып шығып, ағымдағы жылдың айтулы жаңалықтарына тоқталды.
Артынша облыстық конференцияға қатысу құқығы үшін үміткер депуттар арасында жария пікір сайысы өтті. Сөз додасында жергілікті жас кәсіпкер, «Baur & K» ЖШС-ның директоры Д.Каримов, Достық орта мектебінің директоры А.Садиева, Көктұма орта мектебінің директоры А.Қасымжанова, аудандық жастар ресурстық орталығының жетекшісі М.Жексенбай, «Асқартау» ШҚ-ның төрайымы Б.Саятова, Төңкеріс орта мектебінің мұғалімі Ж.Рысбекова қатысты. Үміткерлер өздерінің сайлауалды бағдарламаларымен таныстырып, өзара сұрақ алмасу арқылы да ертеңгі күнге деген ойларымен бөлісті. Пікір сайыс соңында дауыс бері арқылы Д.Каримов пен Б.Саятова үздік деп танылды.
Сондай-ақ күн тәртібінде «Nur Otan» партиясы аудандық филиалының сайлауалды бағдарламасын, аудандық маслихат депутаттығына кандидаттардың партиялық тізімін бекіту, облыстық партия филиалының кезектен тыс конференциясына делегаттарды сайлау, Саяси Кеңес мүшелерінің жаңа құрамын, сайлауалды штабының жетекшісі мен орынбасарларын және мүшелерін бекіту мәселелері қаралды.
А.ЕСЕНБЕКОВ.
«Nur Otan» партиясы аудандық филиалы Саяси Кеңесінің ҚҰРАМЫ
- Жақанбаев Әлібек Әскербекұлы – аудан әкімі, аудандық партия филиалының төрағасы.
- Көкебаев Қайрат Төребайұлы – аудандық партия филиалы төрағасының бірінші орынбасары.
- Абдинов Алмас Сапарғалиұлы – аудан әкімінің орынбасары.
- Жабжанов Саяхат Рымжанұлы – аудандық мәслихат хатшысы.
- Төлеужанов Маулен Төлеубекұлы – аудандық білім бөлімінің басшысы.
- Мұқаметқалиев Оспан Мұқаметқалиұлы – аудандық қоғамдық кеңес төрағасы.
- Сүлейменов Бақытбек Белгібекұлы – аудан әкімінің кеңесшісі.
- Байбазаров Серік Мәженұлы – аудандық ардагерлер кеңесінің төрағасы.
- Құрмаев Ринат Мәлікұлы – Достық ауылдық округінің әкімі.
- Игнатченко Валерий Вячеславович – «Игнатченко» ЖК-ның директоры.
- Қасымжанова Алмагүл – Көктұма орта мектебінің директоры.
- Бижанова Бақытгүл Әлібекқызы – аудандық орталық аурухана директорының орынбасары.
- Жуанышбаев Ерік Өсербайұлы – «Айнур и К» ЖШС-ның директоры.
- Саятова Баршагүл Ахатқызы – «Асқартау» ШҚ-ның төрайымы.
- Есенбеков Алмат Асхатұлы – «Алакөл» газетінің жауапты хатшысы.
«Nur Otan» партиясы Алматы облыстық филиалының кезектен тыс ХXVII конференциясына ауданнан қатысатын делегаттар
- Жақанбаев Әлібек Әскербекұлы – аудан әкімі, аудандық партия филиалының төрағасы.
- Көкебаев Қайрат Төребайұлы – аудандық партия филиалы төрағасының бірінші орынбасары.
- Төкенов Ерлан Ерболұлы – Арқарлы ауылдық округінің әкімі, БПҰ төрағасы.
- Сағымбеков Қуаныш Сағымбекұлы – Еңбекші ауылдық округінің әкімі, БПҰ төрағасы.
- Шакеров Ержан Шакерұлы – «Көлбай» БПҰ төрағасы.
- Қабдылдаев Қайрат Құттыбекұлы – Қабанбай ауылдық округінің әкімі, БПҰ төрағасы.
- Бейсенбаев Нұрлан Мұратұлы – Бескөл ауылдық округінің әкімі, БПҰ төрағасы.
