Еліміздің ел болу шежіресі сан түрлі белестерден тұрады. Сол белестердің бірі еліміздің жаңа Президентінің сайлануы болды. Бүкілхалықтық кезектен тыс Президент сайлауының қорытындысы бойынша Қасым-Жомарт Тоқаев 70,96% дауыс жинап жеңіске жетті. Ал дәл бүгін Қазақстан тарихында  қалатын ерекше күн. Мемлекет басшысы мәртебелі лауазымын атқаруға кірісуінің салтанатты рәсімі өтті. Жаңа басшы Қазақстан Президентінің куәлігін алып, салтанатты түрде ант қабылдады.

Қ.Тоқаев мемлекетіміздің саяси-экономикалық тұрғыда қарқынды дамуының жолында жасалған бағдарламасы әрбір азамттарымыз үшін мазмұнды, мағыналы өмірін қамтамасыз ететін, еліміздің ертеңге қойылған мақсаттарын іске асыратын мемлекеттік маңызы бар құжат болып табылады. Аталмыш бағдарламада сыбайлас жемқорлықтың алдын алу мен оны түбегейлі жою бағытын тілге тиек етті. Ал бұл қадам еліміздің шыңға өрлеп, дамыған отыз елдің алдыңғы легінен көрінуге оң әсерін беретіні хақ. Бармақ басты, көз қысты әрекеттердің тамырына балта шабу жұмыстары жүйелі түрде атқарылатынын ерекше атап өтті.

Еліміздің болашақ бағдарын бағамдаған Президент Қ.Кемелұлының мақсаты жүзеге асып, келешегіміздің кемелді, тәуелсіздігіміздің тұғырлы болуы үшін аянбай еңбек ететін басшы боларына сенімім мол.

М.АДИКОВ,

«Атамекен» кәсіпкерлер палатасы аудандық филиалының директоры.