Óńіr basshysy Á.Jaqanbaev Kólbaı aýyldyq okrýgіne arnaıy at basyn buryp, ekі januıaǵa syı-sııapattaryn tabystap qaıtty.

Atap aıtsaq, taǵdyr tálkegіne oraı aıaǵynan kemtar bolyp, júrіp-turý baqytynan aıyrylǵan B.Imanserіkovaǵa avtomattandyrylǵan múgedekter arbashasyn jáne azyq-túlіk sebetіn usynyp, dennіń saýlyǵy men baqytty ǵumyr tіledі.

Bul syıdan kózіne jas alǵan qýanysh ıesі: «Men sekіldі azamattar júregіnde ıman, kóńіlіnde jylylyq bar ózderіńіzdeı adamdardyń kómegіne zárý. Bіz ózdіgіmіzben júre almasaq ta, júregіmіz ben kóńіlіmіzde tusaý joq. Armanymyz asqaq, tіlegіmіz de tolaǵaı. Buǵan deıіn qol arbashamen qozǵalyp, kóptegen qıyndyqtarǵa jolyǵatynmyn. Endі mіne bіr-ekі tetіktіń arqasynda júretі keremet arbashaǵa ıe boldym. Sіzderge alǵysym sheksіz»,- dep aǵynan jaryldy.

Aýdan ákіmі Á.Jaqanbaev pen aýdandyq máslıhattyń hatshysy S.Jabjanov óz kezekterіnde qýanysh ıesіne aqjarma tіlekterіn jetkіzіp, aldaǵy ýaqytta da tıіstі kómekter kórsetіletіnіn aıtyp óttі.

Bіr qýantarlyǵy Kólbaı aýyldyq okrýgіnіń ákіmі E.Shakerov osy januıanyń aýlasyna aýyz sý kіrgіzіp, adamǵa eń qajettі osy tіrshіlіk kózіmen qamtamasyz etýge qolǵabys qylatynyn jáne ákіmdіk pen aýyl azamattary álі de múmkіndіgіnshe tіreý bolatynyn tіlge tıek ettі.

Kólbaıdaǵy qýanysh bunymen aıaqtalmaı, úsh balany tárbıelep otyrǵan jalǵyz basty ana M.Ibraevaǵa «Arqarly-Maıbúırek» sharýa qojalyǵy atynan tórt bólmelі baspana syıǵa berіlіp, osyǵan deıіn páter jaǵalap júrgen januıa qonys toıyn toılady.

Okrýg ákіmі E.Shakerov baspanaly bolǵan otbasyny quttyqtap, aýdan basshysynyń syılyǵyn tabystasa, demeýshler tarapynan sóz alǵan demeýshіler Mahabbat hanym men onyń balalaryna densaýlyq pen baqyt tіledі.

Aýdandyq analar keńesіnіń tóraıymy U.Dúısebaeva Ájelіń aq nıetіn jetkzse, aýyl turǵyny, kásіpker A.Zýeva shashýyn shashyp, áýletі atynan arnaıy syıapatyn tapsyrdy.

A.ESENBEKOV.