Негізінен тарих арнайы бір оқиғалар мен тұлғалардың төңірегінде өрбиді. Ал ел үшін етегінен қан кешіп, шыбын жанын шүберекке түйген азаматтардың есімін ұлықтап, ұмытылуға жол бермеу бабалар алдындағы балаларынығ міндеті саналады.

Осы ретте мелекет басышсы Н.Назарбаевтың жуырда жарық көрген «Ұлы даланың жеті қыры» атты мақаласында талқылауға түскен «Ұлы даланың ұлы есімі» түсінігі тарихына сарабдалықпен қарайтын халықтың бітім-болмысын айшықтап берді. Жаһан жұртшылығы бір қаннанбыз деп, оңды-солды дарындысы да, қарындысын да дәріптеп жатқанда, тағылымды тарихында қаймана қазақ үшін қаймықпай күреске түскен, өзінің даралығы мен саралығының арқасында елмен бірге жасап келе жатқан текті тұлғаларымызды насихаттау ұтқан жақтарарымыздың бірі болмақ. Өткенсіз болашақты қалау мүмкін еместігін ескерсек, жаңа жоба жасампаз келешекті қалауға ұйытқы болары сөзсіз.

Елбасы мақаласында: «Көпшіліктің санасында тарихи үдерістер, негізінен, тұлғаландыру сипатына ие болатыны белгілі. Көптеген халықтар өз елінің ерекше елшісі сынды ұлы бабаларының есімдерін мақтан тұтады. Мысалы, өткен дәуірлердегі Тутанхамон, Конфуций, ЕскендірЗұлқарнайын, Шекспир, Гете, Пушкин және Джордж Вашингтон сияқты дүниежүзіне белгілі тұлғалар бүгінде «өз мемлекеттерінің» баға жетпес символдық капиталы саналады әрі сол елдердің халықаралық аренада тиімді ілгерілеуіне септігін тигізіп отыр. Ұлы дала әл-Фараби мен Ясауи, Күлтегін мен Бейбарыс, Әз-Тәуке мен Абылай, Кенесары мен Абай және басқа да көптеген ұлы тұлғалар шоғырын дүниеге әкелді»,- дей келе, атақты тарихи тұлғаларымыз бен олардың жетістіктерінің құрметіне ашық аспан астында ескерткіш-мүсіндер қойылатын «Ұлы даланың ұлы есімдері» атты оқу-ағарту энциклопедиялық саябағын ашуымыз керектігін айтып өтті.

Сондай-ақ әдебиеттегі, музыка мен театр саласындағы және бейнелеу өнеріндегі ұлы ойшылдардар, ақындар және ел билеген тұлғалар бейнесінің маңызды галереясын жасауды қолға алу керектігін ескертті. Бұл ретте үйреншікті классикалық қалыптан тыс, баламалы жастар өнерінің креативті әлеуетін де пайдаланудың мәні зор екендігін назардан тыс қалдырмады. Ал ол өз кезегінде талантты, талапты жастар үшін жаңа мүмкіндіктерге жол ашпақ.

Тағы бір айта кетерлі, тарихи тамыры тереңнен тартылған халқымыздың өткенін кеңінен қамти отырып, «Ұла Дала тұлғалары» атты ғылыми-көпшілік серияларды шығарып, тарату жұмыстарын жүйелендіру және жандандыру керектігі алға қойылды. Нәтижесінде, елім деп өткен, жерім деп кеткен қаһарман тұлғаларымыздың өмірі мен еңбегі жайлы тек Қазақстан халқы ғана емес, сондай-ақ шет ел азаматтары да мағлұмат алмақ.

Е.ОМАРХАНОВ,

аудандық жастар ресурстық орталығының жетекшісі.