Аудандық қоғамдық кеңес мүшелері М.Мыңбайұлы атындағы мұражайға арнайы барып қайтты.

Аталған мұражай директоры Айгүл Аханова өңір тарихында ұлағатты ұстаздардың көшін бастап, ұрпақ тәрбиесі мен білімін өркендетуде елеулі еңбек еткен Мұхаметбай Мыңбайұлының ғұмыр сапары жайлы біраз мағлұмат беріп, музей жұмысын таныстырып кетті. Сонымен қатар арда тұлға қолданған заттар, марапаттары мен кітаптары, киімдері мен суреттері қойылған көрмені көрсетті.

Аудандық қоғамдық кеңес төрайымы Қоңыржай Қсталасова мәртебелі мұғалімнің халық үшін атқарған жұмысын атап, еңбегін жіпке тізіп шықты. Аудандық ардагерлер кеңесінің төрағасы Сатай Бекболатов көзін көрген ұстаз жайлы жылы ескетліктерді еске алды.

Кеңес мүшелері Күлдария Бектемисова, Совет Қарабеков пен Ғалия Абейталипова өз ойларын ортаға салды.

Жиын соңында А.Аханова М.Мыңбайұлының еңбегі мен өмір жолы көрсетілген екі томдық кітапты қоғамдық кеңес мүшелеріне тарту етіп, ізгі тілегін жеткізді.

А.ЕСЕНБЕКОВ.