Елбасы Н.Назарбаевтың жуырда жарық көрген «Қазақстандықтардың әл-ауқатының өсуі: табыс пен тұрмыс сапасы» атты Жолдауында көтерілген мәселерді тұрғындар арасында кеңінен насихаттау, қарапайым халықтың мүддесіне қарай жазылған құнды құжаттың әр бөлімін дәріптеу мақсатында айдынды Алакөлге ҚР ПарламентіМәжілісінің депутаты, халық қаһарманы, генерал-лейтенант Б.Ертайұлы сапарлай келді.

Ресми сапардың алғашқы аялдамасы аудандық ішкі істер бөлімі болды. ІІБ-нің мәжіліс залында ұйымдастырылған кездесуге өңіріміздің тәртіп сақшылары, құқық қорғау саласының ардагерлері қатысты.

Аталмыш бас қосуды аудандық ІІБ-нің басшысы, полиция подполковнигі А.Абдрахманов ашып, жүргізді.

Сөз алған ҚР Парламенті Мәжілісінің депутаты Б.Ертайұлы: «Біз жаңа заманда, жаңа мақсаттар айқындалған дәуірде өмір сүрудеміз. Нарықтық экономика үстемдік құрып, әр дүниенің құны белгіленген уақытқа дөп келдік. Сондықтан бізге бір орында дамылдап қалуға мүлдем болмайды. Ал ала қарай қарымды қадамдар жасауға бастайтын Елбасының кезекті Жолдауы жаһандық бәсекелестікке ұмтылған мемлекетімізге мол мүкіндіктер беріп отыр»,-дей келе, дамыған елдер қатарына ұмтылған Қазақстанның сапарына шамшырақ болған Жолдаудың басым бағытарына тоқталып, алты бөлімінде талқыланған өзекті мәселелерді түртіп өтті.

Сондай-ақ аудан әкімінің орынбасары А.Абдинов пен «Нұр Отан» партиясы аудандық филиалы төрағасының бірінші орынбасары Қ.Көкебаев қарапайым халықтың хал-ахуалын оңалтуды көздеген Жолдау хақында тұщымды ойларын ортаға салды.

Артынша 2484, 40398 әскери бөлімінде сарбаздармен жиын өтсе, аудандық әкімдіктің үлкен мәжіліс залында аудан активімен кездесу ұйымдастырылды. Үш бас қосуда да Мәжіліс депутаты Б.Ертайұлы Ұлт көшбасшысының сарабдал саясатын дәріптеп, құнды құжаттағы міндеттер легімен таныстырды.

Н.МАҚСАТҰЛЫ.