Қазақстан Республикасының азаматтары, сондай-ақ Қазақстан Республикасының аумағындағы шетелдіктер мен азаматтығы жоқ тұлғалар Қазақстан Республикасының мемлекеттік шекарасының белгіленген режимін, Қазақстан Республикасының мемлекеттік шекарасы арқылы өткізу пункттерінің режимін, сондай-ақ шекара режимін сақтауға және осы режимдердің сақталуын бақылауды жүзеге асыратын Қазақстан Республикасы ҰҚК Шекара қызметінің заңды талаптарын орындауға, оларға осы міндеттерді шешуде жәрдем көрсетуге міндетті.

    ҚР ҰҚК Шекара қызметінің тарихы жергілікті халықтың шекараны күзетуге белсенді қатысуымен тығыз байланысты. Олардың белсенді қатысуы, шекара бөлімшелеріне көмек көрсетуі туралы жергілікті тұрғындардың шекара бұзушыларды, іздестіріліп жүрген адамдарды және өзге де заңға қайшы элементтерді анықтау және ұстап алуының көптеген фактілері дәлелдейді. Жергілікті тұрғындардың көрсеткен қырағылығы мен патриотизмі үшін Қазақстан Республикасының мемлекеттік шекарасын сенімді күзетуді қамтамасыз ету ісінде шекарашыларға көмек көрсеткендері үшін, бағалы сыйлықтармен, ақшалай көтермелеулермен және шекара қызметінің грамоталарымен марапаттау туралы жағдайлар аз емес.

  1996 жылғы 15 шілдедегі «Қазақстан Республикасының Мемлекеттік шекарасы» туралы Заңның 27-бабына сәйкес Қазақстан Республикасының азаматтары, сондай-ақ оның аумағындағы шетелдік азаматтар мен азаматтығы жоқ тұлғалар міндетті:

• Қазақстан Республикасының мемлекеттік шекарасының және шекаралық аймақ пен шекаралық белдеудің белгіленген режимін сақтауға, шекара қызметінің және осы режимдердің сақталуын бақылауды жүзеге асыратын органдардың талаптарын орындауға;
• Қазақстан Республикасының азаматтары Қазақстан Республикасының мемлекеттік шекарасын қорғауға өз еркімен шекараны күзету жөніндегі ерікті жасақтар құрамында, сондай-ақ өзге де нысандарда қатыса алады, бұл ретте олар мемлекеттің құқықтық қорғауына сене алады;

      ҚР ҰҚК Шекара қызметінің Алакөл ауданы бойынша шекара басқармасының басшылығы ауданның барлық тұрғындарынан патриотизм танытуды, сондай-ақ өз отбасыларында Қазақстан Республикасының Мемлекеттік шекарасы туралы Заңын сақтауға тәрбиелеуді сұрайды;

      Біз осы жағдайды пайдалана отырып, аудандық әкімдік басшыларына, шаруашылықтардың, кәсіпорындардың, мекемелердің, ұйымдардың, қоғамдық бірлестіктердің басшыларына төлқұжат режимі қағидаларының сақталуын қамтамасыз етуді, сондай-ақ Қазақстан Республикасының азаматтарының, өзге де тұлғалардың өздеріңізге бағынышты аумақтарға келуі, уақытша тұруы үшін тұрақты бақылау жүргізуді сұраймыз және мемлекеттік шекарада және шекаралық аймақтағы барлық күдікті және белгісіз тұлғалар, басқа да заңсыз әрекеттер фактілері туралы сенім телефондары: 728-336-044: телефон нөмірі 8776-651-95-00 телефондары арқылы хабарлауды сұраймыз.

Аңсар ДҮЙСЕНӘЛІ,

Алакөл ауданы бойынша шекара басқармасы бөлімінің офицері.