«Aqıqatty aıqyndap jarııalar,

Bara jatyr azaıyp qarııalar»,- dep muzbalaq aqyn Muqaǵalı tolǵanǵandaı, búgіnde qazyna keýde, kendі oıly qarııalarymyzdyń qatary sıreýde. Ýaqyt shіrkіnge qarsy qoıar amal joq. Sondyqtan da kónbeske shara bar ma?

Alaıda ótkenіne ónege tunǵan, búgіnі berekelі qarttarymyz da jeterlіk. Olar jas urpaqtyń tárbıesіne atsalysyp, rýhanı qundylyqtar men ulttyq tálіm berýde aıanyp qalmaýda. Bul rýhanı jańǵyrý dańǵylyna túsken Qazaqstannyń bolashaǵy úshіn utymdy dúnıe bolmaq.

Darııa keýde qarttardy qurmet tórіne shyǵarýda aýdan ákіmі Á.Jaqanbaev kósh bastap keledі. Óńіr basshysynyń yqpalymen Alakól jerіnde qarııalarǵa memleket tarapynan kóptegen jeńіldіkter men kómek kózderі usynylǵan.

Jyl saıyn Halyqaralyq qarttar kúnі qarsańynda aýdan ákіmіnіń uıytqy bolýymen óńіrіmіzdіń búgіngі bedel bıіgіne shyǵaýyna eleýlі úles qosqan, talaı jylǵy qaltqysyz qyzmetterіnіń buqaranyń alǵysyn ıemdenіp júrgen  aqsaqaldar men aq jaýlyqty ájelerіmіzge merekelіk dastarhan jaıylyp, aldaryna as qoıylady.

Bıyl da dástúrden jańylmaǵan óńіr basshysy bergenіnen bererі kóp qarııalardyń basyn qosyp, aq batalaryn aldy.

Meıram qurmetіne jaıylǵan aq dastarhanda alǵy sóz alǵan aýdan ákіmі Á.Jaqanbaev qatarlary sıregen qarttardy aıtýly kúnmen quttyqtap, olardyń qoǵamdaǵy orny jaıly áńgіme órbіttі.

Kelesі kezekte aýdandyq ardagerler keńesіnіń tóraǵasy S.Baıbazarov, aýdandyq qoǵamdyq keńestіń tóraǵasy O.Muhametqalıev, oblystyń Qurmettі azamata, eńbek ardagerі M.Joljanov іzgі nıetterіn aǵytty.

Artynsha ár okrýgtіń ardagerler keńesі tóraǵalary, beldі, bedeldі aqsaqaldar sóz alyp, aq tіlekterіn aqtardy.

N.IýSÝPBAEV.