Қазақстан Республикасының Президенті Қ.Тоқаев мемлекетіміздің даму процесін жеделдету, елімізді әлеуметтік-экономикалық тұрғыда өркендету  және қазақстандықтардың әл-ауқатын одан әрі арттыру мақсатында дағдарыстан кейінгі дамуды көздеген кезекті Жолдауын жариялады.

Бәсекеге бейімділікті даралаған әлемдік аламанның алдына шығып, өркениетті елдердің көшін бастау қай мемлекеттің болмасын арман-тілегіне, бағыт-бағдарына айналғанын білеміз. Астындағы байлығын үстіндегі бақуатты тірлігінің тізгіні еткен Қазақстан да бәйге басынан көрінуге лайықты. Осы жолдағы қадамдарымыз қарымды боларына кәміл сенімдімін.

Кезеті Жолдаудың басым бағыттарын таразы басына тастасақ салмағы жағынан өзгелерден басым түсетіні «Денсаулық сақтау саласы» екендігі мәлім. Себебі мемлекеттің басты байлығы адам және оның денсаулығы екендігі атап көрсетпесе де түсінікті жайт.

Үздік денсаулық сақау ісі мен дені сау ұлт – мемлекеттің тірегі. Демек саламатты өмір салтын насихаттай отырып, медициналық қызметті жетілдіре түсу бізге ауадай қажетті.

Президент Жолдауында коронавируспен күес шараларын күшейту және вакциналаудың маңыздылығы жайында сөз етті. Қазіргі таңда әлем бойынша тәжвирусы өршіп тұрғаны рас. Елімізде де эпидахуал көңіл көншітерлік емес. Сондықтан да, денсаулық сақтау саласына база назар бөле отырып, халықтың басым бөлігін вакциналау, сол арқылы дерттің таралу жолын тежеу өзектілігі айтылды.

Б.БИЖАНОВА,

аудандық орталық аурухана директорының орынбасары.