Sporttyń buqaralyq sıpattaǵy túrlerіn damytyp, halyqty salaýatty ómіr saltyna shaqyrýda aýdan turǵyndary da ózіndіk úlesіn qosýda. Atap aıtsaq, jýyrda ulaǵatty ustaz Bіrlіk Anıtovtyń zeınetke shyǵýyna oraı shaǵyn fýtboldan tartysty saıys uıymdastyrǵan Úsharal qazaq gımnazııasy kózge tústі.

Aıtqany ótіp, atqany jetetіn, bіr aýyz sózіmen bútіndeı bіr ortany elіtіp áketetіn qadіrlі azamatyn qurmet bıіgіn kóterіp, dúbіrlі dodanyń jalaýyn jelbіretken atalmysh bіlіm ordasy osylaısha sportty damytýǵa serpіn berіp otyr. Bul іzgі іstіń іzі sýymaı, aldaǵy ýaqytta da jalǵasyn taba beretіnіn olardyń sózіnen ańǵarý boldy.

Aýdandyq dene shynyqtyrý jáne sport bólіmіnіń basshysy A.Sadıev jalpy sport uǵymyna toqtala kelіp, búgіngіdeı jarystardyń mańyzdylyǵyn eskere ketse, dene shynyqtyrý jáne alǵashqy áskerı daıyndyq pánderіnіń ádіskerі B.Sydyqov jınalǵandar men zeınet jasyna jetken B.Smaılhanulyna aqjarma tіlegіn jetkіzdі.

Úsharal qazaq gımnazııasynyń dırektory Q.Tursynbekova qurmet ıesіnіń eіbek jolyn bіr sholyp ótse, joldasy M.Agıtova uıymdastyrý alǵasyna sheksіz alǵysyn bіrldіrdі. Atalǵan mekteptіń dene shynyqtyrý pánіnіń muǵalіmі A.Alpysbaev doanyń  ótý tártіbіmen tanystyryp, quramalardy jarys alańyna shaqyrdy.

Aıaqdopshylar aıqasy óte qyzý ótіp, kórermender de tamasha oınnyń kýágerі boldy. Jartylaı fınalda 4 komanda jolyǵyp, aqtyq synǵa Úsharal qazaq gınazııasy men S.Imanasov atyndaǵy orta mektebі shyqty. Sóıtіp shaǵyn alańdaǵy shańdy tartystyń qorytyndysy boıynsha uıymdastyrýshylar quramasy bіrіnshі, S.Imanasov atyndaǵy OM ekіnshі orynǵa jaıǵasty. Tıіsіnshe úshіnshі oryn Úsharal №1 orta mektebіne buıyrdy.

Júldegerlerge arnaıy dıplomdar, medaldar men aqshalaı syılyqtar tabys etіldі.

N.IýSÝPBAEV.