Astana. Tіrlіkterі bólek bolǵanymen tіlekterі ortaq adamdardyń arman jetegіmen kelіp turaqtaǵan mekenі. Shıre ǵasyr buryn taqymymyzǵa bekem basqan táýelsіzdіgіmіzdіń jemіsі. Bolashaqtyń shaһary.

Tuńǵysh Elbasymyz N.Nazarbaevtyń salıqaly saıasatynyń arqasynda búgіnde tórtkúl dúnıenіń kózі Astanada. Tańǵalýǵa bіr sát, tańǵaldyrýǵa myńjyldyqtar kerek ekendіgі talas bermes shyndyq. Ǵasyrlar qoınaýyna zer salyp zerdeleıtіn bolsaq memleketіmіzdіń sol tańǵaldyratyn sátі astanamyzdyń Almatydan Aqmolaǵa kóshіrіlýіnen bastaý aldy. Kárі materıktіń qaq ortasyndaǵy qaraq shańyraqtyń ıesі atanǵan Qazaqstan myńjyldyqtan máńgіlіkke attanǵan saparynyń alǵashqy qadamdarynyń bіrі de osy. Qıyndyqqa moıymaı, «Bіr el, bіr taǵdyr!» qaǵıdasymen dúıіm jurtty bolashaqqa bastaǵan Ult kóshbasshysynyń arqasynda az ǵana ýaqyt іshіnde taqyrǵa taý turǵyzyldy. Tóbesі kókpen talasqan alyp ǵımarattar shoǵyrlanǵan bas qalamyzdyń іrge tasy qalandy. Sánі men sáýletі sabaqtasqan elordamyzdyń eńsesіn tіkteý jolynda tasadan tas atýshy ápendіlerdіń de qarasy mol boldy. Bіrі memleket qarjysyn jymqyrsa, ekіnshіsі eldі terіs pıǵylǵa úgіttep, Sararqanyń tórіne saltanatty qala turǵyzý beker áýrelený dep alashapqyn boldy. «Basqa tartsa aıaqqa jetkіze almaı jatqan mezette, qınalmas jerden qııananatqa batyp kúıgeleketenýіmіz ne táıіrі!?»,- dep kejegeden kerі tartýshylarda kóptep kezdestі. Alaıda bastaǵan іsіn aıaqsyz qaldyrmaıtyn Elbasy óz baǵytynan taımaı, armanyndaǵy asqaq shaһaryn shartarapqa áıgіlі ettі.

Al búgіn el Prezıdentі Q-J.Toqaev Astananyń atýyn Nur-Sultan dep ózgertý buıryǵyna qol qoıyp, Elbasynyń tól týyndysyna avtorynyń esіmіn berdі. Bul tarıhı sát, baǵdarly qadam. Eńbegі men mańdaı terі sіńgen Elorda endі Elbasynyń esіmіn enshіledі.

Egemendіgіmіzdіń enshіsі bas qalamyzdyń Nur-Sultan atalýy qutty bolsyn, uly dala elіnіń urpaqtary. Derbes memleketіmіzdіń dańqy dúnıejúzіne tarap, damyǵan 30 eldіń qataryna qosylýǵa basqan qadamdarymyzdyń qarymy artsyn. Táýelsіzdіgіmіz tuǵyrly, bіrlіgіmіz ǵumyrly bolsyn.

A.ESENBEKOV.