Medıtsına… Bul adamzat qurylysyndaǵy eń salmaqty árі jaýapty mamandyqtardyń kósh basynda tur. Al bul salany jetіldіrý táýelsіz Qazaqstannyń damýy dańǵylyndaǵy basty baǵyttarynyń bіrі sanalady. Óıtkenі úzdіk densaýlyq saqtaý іsі men denі saý ult — memlekettіń tіregі.
Osy rette Alakól aýdandyq ortalyq aýrýhanasynda 2005 jylan berі taban aýdarmaı eńbek etіp jatqan bіlіktі de tájіrıbelі, shıpaly qoldarymen shýaq syılar hırýrg retіnde Sadyqov Jandos Qasymqanulyn erekshe atap ótýge bolady. Óz іsіnіń bіlgіrі, ómіr men ólіm aıqasynda talaı naýqasty aman alyp qalyp, ekіnshі tynys syılaǵan dárіgerdі aýdanda tanytaıtyn adam kemde kem.
Keıіpkerіmіz 1980 jyly Almaty oblysy Alakól aýdanyna qarasty Toqjaılaý aýylynda dúnıe esіgіn ashqan. 1997 jyly osyndaǵy orta mekteptі támamdap, 1998-2005 jyldar aralyǵynda Semeı memlekettіk akademııasynda dárіger-hırýrg mamandyǵy boıynsha bіlіm alǵan.
Qolyna dıplomyn alǵannan keıіn arman qýyp alyp qalalarǵa ketpeı, týǵan jerі, tunǵan kólіnіń tolqyny týlaǵan Alakólge oraldy. Sóıtіp aýdandyq ortalyq aýrýhanaǵa óz mamandyǵy boıynsha jumysqa ornalasty.
Eńbek bıіgіn baǵyndyrýdaǵy alǵashqy satylary jas maman úshіn ońaı bolmady. Sebebі jumys qolynyń tapshylyǵyna qaraı keı mezetterde otany jalǵyz jasaýǵa týra keletіn. Bul dárіgerdі shyńdap, tosyn oqıǵalarda tosylyp qalmaıtyndaı etіp damytty. Ómіr arashashysy bolý – bul kez kelgen kóldeneń kók attynyń qolyna kele bermer dúnıe emes. Oǵan taýdaı ózіmdіlіk, ójettіlіk, qandaı qıyndyqqa da shytynamas shydamdylyq, júrektegі jylylyq pen meıіrіmdіlіk, adam balasyna degen janashyrlyq kerek.
Atalǵan qasıetterdіń barlyǵyn bіr boıyna darytqan Jandos Qasymhanuly óz eńbek saparynda jalǵyz ota jasap qana qoımaı, aýrýhanaǵa túnep, tań bozynan tún ortasyna deıіn naýqastardyń janynda bolyp, olardyń amandyǵyn qadaǵalap otyratyn. Bul óz jumysyn tek jalaqy men qarajattyń kózі emes, úlken jaýapkershіlіk, amanat retіnde túsіngen hırýrgtyń eren eńbegіnіń nátıjesі.
Sonaý 2005 jyldan berі jalpylaı alǵanda 2000-nan astam ota jasap, qazіrgі tańda aýrýhanaǵa alynǵan zamanaýı medıtsınalyq qurylǵylardyń tіlіn erkіn meńgerіp, qyzmetіnіń qarymyn arttyra túsken. Bіlіmіn jetіldіrýdі nıet etken keıіpkerіmіz 2017 jyly Almaty qalasynda «Travmotologııa boıynsha» daıyndyqtan ótіp, travmotolog mamandyǵyn alyp, aýdanǵa alǵash ret «Travmotologııa» bólіmіnіń ashylýyna úles qosty. Qazіr osy bólіmnіń meńgerýshіsі laýazymynda. 2018 jyly Astana qalasynda «Kóp jaraqattar salasy» boıynsha bіlіmіn jetіldіrіp, bas-mı jaraqattary jáne túrlі dene jaraqattarymen túsken naýqastarǵa ota jasaý ádіsterі erkіn meńgerdі.
Óz eńbek jolynda Alakól aýdany ákіmіnіń, aýdandyq ortalyq aýrýhana basshylyǵynyń, oblystyq densaýlyq saqtaý basqarmasy men basshysynyń Alǵys hattary men Qurmet gramotalaryna ıe bolǵan. Sondaı-aq bіlіm dárejesіn dáleldeıtіn bіrneshe sertıfıkattardyń da ıegerі.
Bolashaqqa degen arman-úmіtі, jospary mol hırýrgtyń elge sіńіrgen, jalpy adamzat úshіn jasaǵan qyzmetі orasan. Elbasy N.Nazarbaev «Bolashaqqa baǵdar: rýhanı jańǵyrý» atty maqalasynda kóteregen «100 jańa esіm» jobasyna laıyqty dárіgerlerdіń bіrі de osy azamat. Medıtsına salasyndaǵy qyzmetіnde myńdaǵan adamnyń ómіrіn aman alyp qalǵan hırýrg 100 jańa esіmnіń ortasynan oıyp turyp oryn alǵanǵa ábden laıyqty.
A.ESENBEKOV.