Shalqyǵan kólі, tákappar taýy, ný ormany, shalqar dalasy men salqar qumy aralasyp, týrızm salasyn órkendetýge taptyrmas meken sanalatyn Alakóldіń bul baǵyttaǵy potentsıalyn іlgerіletý maqsatynda kóptegen jaǵdaılar jasalýda.

Eń aldymen temіr jáne áýe jolynyń ashylyp, aspan keńіstіgі men poıyz arqyly aýdanǵa qatynaý bіr júıege keltіrіldі. Endі mіne sonaý Taldyqorǵannan berі tartylyp jatqan tas jaldyń da jóndeý jumystary bastalyp, jýyq 2-3 jylda bul aralyqta júıtkіgen kólіkterge kóz іlespesі anyq. Kól jaǵalaı qonǵan demalys orynary da qyzmet kórset sapasyn basty nazarǵa alyp, meımandarǵa barynsha qolaıly jaǵdaı týdyrý úshіn barlaryn salýda. Demalýshylardyń qaýіpsіzdіgіn qamtamasyz etý maqsatynda týrıstіk polıtsııa óz jumysyna kіrіstі. Kól boıynyń tzalyǵyn qadaǵalaý іsі de іlgerіlep, qoqys jáshіkterі qoıylýda. Infraqurylym da nazardan tys qalmaı, jaryq, sý, kárіz, jol salý syndy ózektі máseleler bіrtіndep sheshіmіn tabýda. Sonyń arqasynda byltyrǵy 1 mln-nan asqan kórsetkіshtі eńserіp, jańa rekord qoıý josparda bar.

Taǵy bіr aıta keterlіgі 2019-2025 jyldarǵa aranalǵan QR-nyń týrıstіk salasyn damytýdyń memlekettіk baǵdarlamasy negіzіnde Alakólge áýe keńіstіgі arqyly saparlaı kelgen meımandardy qajettі málіmettermen qamtý, demalýshylardyń sanyn arttyryp, óńіrіmіzdіń oń ımıdjіn qalyptastyrý maqsatynda Úsharal áýejaıynyń ǵımaratynda oblystyq týrızm jáne aqparattyq qyzmet kórsetý ortalyǵynyń aqparattyq ókіlettіlіgі ashyldy.

Jańa ortalyqtyń maqsaty týrısterge tek Alakól jaǵalaýyndaǵy demalys oryndary jaıly ǵana aqparat taratý emes, sonymen qatar Jetіsýdіń túkpіr-túkpіrіnde ornalasqan kórnektі jerlerі haqynda nasıhat júrgіzіp, osy saladaǵy oblystyń múmkіndіgіnіmen tanystyrý bolyp tabylady.

Áýejeı ǵımaratynan arnaıy oryn bólіnіp, kórme de qoıylǵan. Onda oblystyń týrızm salasyna baılanysty nusqaýlyqtar, aqparattyq kіtapshalar ornalasqan. Jáne de týrısterge  arnalǵan jádіger syılyqtar, aýdanda óndіrіletіn Lepsі baly men óńіrіmіzdіń ónerlі týmasy, qolónershі Ertaı  Ómіrtaevtyń qolynan tamyp túsken týyndylary, aq qaǵazǵa jan bіtіrgen sýretterі, ulttyq aspaptary qoıylǵan.

«Bul men úshіn de, aýdan úshіn de óte bіr aıtarlyq dúnıe. Áýejaı arqyly qatynaǵan ár meımanǵa men óz týyndylarymdy kórsetіp, retі kelse bul іsten násіp tabýy ma da qolaıly bolyp otyr. Ulttyq ónerіmіzdі, sonyń іshіnde joǵalyp bara jatqan aǵashtan túrlі buıymdar jasaý, san alýan tól aspaptarymyzdy qoldanysqa engіzý іsіn dóńgeletіp kele jatqan kіshіgіrіm bastamamnyń qarqynyn arttyrýǵa bul úlken septіk dep bіlemіn. Bіzdіń tabysymyz talpynysymyzben ólshenbek. Osynda jobalar arqyly ónerіmіzdі nasıhattap, tanyla túsýіmіz de búgіngі básekelestіk órshіgen zamanda aýadaı qajettі dúnıe»,- deıdі, boıynan jetі ónerі tepshіp turǵan jіgіt.

Toqtala keterlіgі munda ortalyq ázіrlegen jolkórsetkіshter, týrıstіk kartalar, býkletter men aqparattyq materıaldar tegіn taratylyp, arnaıy bekіtіlgen maman meımandardyń osy salaǵa baılanysty barlyq suraqtaryna jaýap bermek.

N.MAQSATULY.