Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.

Жуырда қалалық әкімшілікте мемлекеттік ұйымның қызметкерлерінің қатысуымен ҚР Мемлекеттік туының, елтаңбасының және гимнінің стандарттарға сай орналасу тәртібі бойынша семинар өтті.

Жиын барысында аудан аумағында өткізілген тексеру шараларының нәтижесі мен анықталған кемшіліктер ортаға алынды. Реміздеріміздің кей мемлекеттік мекемелерде дұрыс орналаспауы, тіл тазалығының сақталмауы, мемлекеттік тіл мен ресми тілдің бір орынға жазылуына байланысты сын-ескертпелер айтылды. Бұл мәселе жөнінде аудандық ішкі саясат бөлімінің мамандарына қадағалау тапсырылды.

Аталмыш семинарда ҚР рәміздерінің орналасу тәртібі бойынша енгізілген өзгертулер мен түзетулер жайлы толықтай ақпарат берілді. Сондай-ақ еліміздің көк туы, елтаңбасы мен гимні кез келген орында орналаса берілмейтіндігі жайлы айтылды. Яғни көк туымыз мемлекеттік мекеменің жоғарғы жағында орналасып, кешкі уақытта міндетті түрде жарық түсіп тұруы тиіс. Сонымен қатар мекеме атауына келер болсақ, ең бірінші мемлекеттік тілде және ғимараттың оң жағында орналасуы шарт.

Жиын соңында сын тағылған мекеме басшылары дереу түзету шараларын қолданатындығын айтып, кері байланыс жасалды.

Ж.СЕРІКҚАНҚЫЗЫ.