Біз кейде басты байлығымыз берілген уақытымыз бен денсаулығымыз екенін әсте естен шығарып жатамыз. Денсаулық – тек жеке бастық ғана емес, еліміздің де ұлы игілігі. Ал мемлекетіміздің болашағы – ұлтымыздың саулығында.

Осы тұста жыл сайын ҚР Денсаулық сақтау министрлігі «Саламатты Қазақстан» медициналық жүргек пойызы жобасымен еліміздегі шалғай стансалар мен ауылды аймақтардың тұрғындарына тегін медициналық көмек көрсетеді. Мамандандырылған медициналық пойыз биылда өз ісін бастап кетті.

Президентіміз Қ.Тоқаев денсаулық сақтау саласының барлығы қолжетімді әрі әділ болуын қолдайды. Сондай-ақ мемлекеттің басым міндеттерінің бірі – өмір сүру сапасын жақсарту мен ұзақтығына жағдай жасау дейді.

«Саламатты Қазақстан» пойызы 26 сәуірден бастап жолға шығып, ауыл аймақтарды аралауда. Жоба осы жылдың 6 желтоқсанына дейін бүкіл Қазақстан бойынша 120-дан астам стансаны қамтымақ.

Өңірімізге аяқ тіріген бұл жоба ауданымыздың азаматтарына үлкен көмегін тигізді. Бұл ерекше пойызымыздың да басты мақсаты – қарапайым халықтың әл-ауқатын жақсартып, тегін тексерістер жүргізіп, денсаулыққа дұрыс көңіл бөлу керек екенін ұғындыру. Аталмыш медициналық пойыз 8 вагоннан тұрады. Оның 3 вагонында мамандардың кәбинеті орналастырылған. Айта кетсек, тіркеу бөлімінен бастап терапевт, хирург, невропатолог, акушер, гинеколог, уролог, окулист, рентгенолог, отоларинголог, психолог, стоматолог, жалпы тәжірибе дәрігері, ультрадыбыстық диагностика дәрігері, зертханашы және мейірбике бөлмесі бар. Вагон іші толықтай жабдықталған әрі халыққа ыңғайлы. Бұл медициналық пойыз стансаларда 1-2 күн тұрақталады және жұмыс уақытымен қызмет көрсетеді.

Адам өмірінің сапасы денсаулығының дұрыстығына тікелей байланысты. 12 мүшеңіз сау болса, ғұмырыңызда ұзағынан болмақ. Сол себепті де Алламыздың сау қылып берген денсаулығына немқұрайлы қарап, оны зиянды заттармен улаудан аулақ болайық. Керісінше ағзамызға пайдалы тағамдарды беріп, салауатты өмір салтын ұстанғанымыз абзал.

Кей ауылды мекендерде тұрғынның аздығынан немесе аймақтың қолайсыздығынан медициналық орталық расымен жоқ. Қарапайым халық тексерістен өту үшін қалаға, ауданға баруға мәжбүр болады. Барғанның өзінде қажетті медициналық мамандар жеткіліксіз. Ал «Саламатты Қазақстан» жүргек пойызы ауыл тұрғындарына толықтай тексерістен өтуіне, тегін консультация алып, дәрігерлердің қабылдауында болына мүмкіндік береді.

Ж.КУМПЕИСОВА.