Алакөл ауданында ауыз сумен қамтамасыз ету жұмыстарының нәтижелері айтарлықтай жетістіктерге жетті.
2024 жылы ауданымыздағы ауыз су жүйесу саласы бойынша 5 елді мекенде ауыз су жүйесін жаңғырту және қайта салу жұмыстары жүргізіліп, халық игілігіне пайдалануға берілді. Жалпы ұзындығы 114,9 шақырым су желісі жүргізіліп, Бибақан, Тоқжайлау, Теректі, Екпінді және Көктұма ауылының перспективалық аумақтары толықтай ауыз сумен қамтамасыз етілді.
2025 жылы Қоңыр және Лепсі ауылдарына жаңадан орталықтандырылған ауыз су құрылысын жүргізу, Теректі ауылындағы су сақтау резервуарын кеңейту жұмыстарын жүргізу жоспарлануда. Жалпы көлемі 50,4 шақырым су желісі жүргізіледі.
Атқарылып жатқан жұмыстар тұрғындардың өмір сапасын жақсартуға бағытталған маңызды қадам және ауданның инфрақұрылымын дамытудағы тиімді жұмыстардың көрсеткіші болып табылады. Аталған жобаның жүзеге асырылуы аймақтағы ауыз сумен қамту мәселесін толық шешіп, халықтың денсаулығын сақтауға және әлеуметтік жағдайын көтеруге оң ықпал етеді.
Айта кетерлігі, 2024 жылы ауыз сумен қамтамасыз ету көрсеткіші 92,8 пайызды құраса, ал 2025 жылы бұл көрсеткішті 100% деңгейіне жеткізу жоспарланып отыр.
Аудан әкімінің орынбасары Қ.Мұхаметқалиев