Білімнің салтанат құруы – мемлекеттің мызғымас іргетасының қалануының, экономиканың қарқынды дамуының, әлеуметтің әлемдік кеңістікте танымал болуының, жаһандық бәсекелестікке бейімділігінің артуының негізі. Себебі, ХХІ ғасыр көші білектің емес білімнің ауылын көздеп, сананың кемелденуіне қарай аяңдап барады. Демек, заман күші басымның емес, зейіні зерек тұлғалардың ырқына жығылды.
Елбасымыз да болашақтан соққан самалдың сырын түйсініп, келешегіміздің бағытын айқындап берген мақаласында «Білімнің салтанат құруын» сандырақ емес сарабдал сөз деп тануымызды міндеттеді. Технологялар дамыған сайын қазіргі білім алу формасы да өзгеріске ұшырады. Бұрындары айлап ізденетін дүниені бір минутта талдап тастау мүмкіндігіне ие болдық. Уақыт тапшылығының шекарасынан астық, өрісіміз кеңейді. Білім алуға құлшынған пенденің пейілі қалаған заттың барлығыа да қол жеткізуге болады. Себебі, санаға салмақ түскен сайын дамуы эволоуиясының сапасы артпақ, өмірімізді оңтайландыруға қажеттілердің саны еселенбек. Адам баласына керегі де сол.
Президентіміз бір пайымында: «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жетеді»,- деп бір ауыз тәлімді сөзбен, талай мәселені түсіндіреді.
Бұдан аңғаратымыз жаһандық бәсекеде бәсіміздің басым түсуінде білімнің рөлі ерекше. Ал білім биігін бағындыру өз кезегінде өзінің артықшылықтарын айқындап бермек.
АЛМАТ ЕСЕНБЕКОВ.
