Бүгін аудан орталығынан шалғайда орналасқан Үшбұлақ ауылында Алакөл аудандық орталық аруханасының директоры Асхат Қуаншыбайұлы мен Жетісу облыстық мәслихатының директоры Баршагүл Ахатқызы халықпен кездесу өткізіп, тұрғындардың сұрақ-сауалдарына жауап берді.
Аудандық орталық аурухана директоры А.Бутабаев денсаулық сақтау саласындағы өзгерістер, атқарылған жұмыстар, түрлі аурулардан сақтану жолдары мен кейінгі уақытта белең алып отырған сырқаттардың алдын алу мәселесі бойынша сөз қозғады. Сонымен қатар Үшбұлақ ауылы тұрғындарының саны азаюына байланысты амбулаторияның фельшерлік-пунк ретінде өзгертілуі бойынша түсіндірме жұмыстарын жүргізді.
Облыстық мәслихат депутаты Б.Ахатқызы өңірімізде әлеуметтік бағытта қолға алынға ілкімді істер мен алдағы жоспарлы жұмыстар жайлы мағлұмат беріп, тұрғындар сұрақтарына жауап берді.
Алакөл аудандық орталық аурухананың баспасөз қызметі