Қазақстанда темір жолдың маңызы өте зор, әсіресе кең байтақ жерімізді ескерсек, бұл көлік түрі жүк пен жолаушы тасымалының ең тиімді жолдарының бірі. Жаңа темір жол желілерін салу экономиканың дамуына ықпал етеді, экологиялық таза, қолжетімді, елді мекендерді байланыстырып, логистиканы жақсартады. Алакөл ауданы да осы тұрғыдан алғанда маңызды аймақтардың бірі, мұнда темір жол инфрақұрылымы туристер ағынын көбейтіп, сауда-саттықты дамытады, жергілікті халыққа жаңа жұмыс орындарын ашады. Темір жол саласының дамуы жас мамандар үшін үлкен мүмкіндік, машинист, инженер, логист, диспетчер секілді мамандықтарға сұраныс артады. Жаңа жұмыс орындарының пайда болуы – аймақтың ғана емес, жалпы ел экономикасының нығаюына септігін тигізеді. Сондықтан, темір жолды дамыту – болашаққа салынған инвестиция.

Темір жол қатынасының жақсаруы ауыл-аймақтың өркендеуіне тікелей әсер етеді, инфрақұрылымды дамытады, әлеуметтік жағдайды көтереді. Жүк тасымалы артып, кәсіпкерлер үшін де жаңа мүмкіндіктер туады. Сонымен қатар, бұл сала білікті мамандардың қажеттілігін арттырып, жастарға тұрақты жұмыс тауып, кәсіби өсуге жағдай жасайды. Сондықтан темір жол тек көлік түрі ғана емес, елдің дамуындағы басты қозғаушы күштердің бірі.

Темір жол жолаушыларға да үлкен қолайлылық әкеледі, жылдам әрі қауіпсіз қатынасты қамтамасыз етеді, үлкен қалалар мен шалғайдағы елді мекендерді жақындастырады. Оқушылар мен студенттер үшін қолжетімді жол жүру мүмкіндігін ұсынса, зейнеткерлер мен мүмкіндігі шектеулі жандарға да ыңғайлы жағдай жасайды. Сонымен қатар, туризм саласының дамуына да септігін тигізеді, табиғаты көркем жерлерге бару жеңілдейді, ішкі туризм жанданып, аймақтардың экономикалық әлеуеті артады. Сондықтан темір жол тек тасымал құралы емес, ол адамдардың өмір сапасын жақсартатын маңызды фактор.

А.Сүлеймен