Аудан әкімі Ә.Жақанбаев тұрғындардың мұң-мұқтажын тыңдап, өтініш-тілектеріне құлақ асып, қабылдау өткізді. Оған аудандағы бөлім, мекеме басшылары мен тиісті орган өкілдері қатысты.

Жеке қабылдауға келген азаматтардың басым бөлігі тұрғын үй алуға, тұрақты жұмысқа орналасуға, азаматтық алу мәселесін шешуді, егін егу үшін жер телімін алуға көмектесуді сұрады.

Аудан әкімі әр азаматты мұқият тыңдап, олардың өтініштерін шешу жөнінде тиісті мекеме басшыларына тапсырма берді. Сонымен қатар көпқабатты тұрғын үйлердің құрылысы басталып, халық игілігіне берілетінін жеткізген болатын.

Келесі аптаның басында аудан әкімінің кезекті қабылдауы өтті. Жалпы қабылдауға келген өңір азаматтарының әлеуметтік көмек мәселелері бойынша сұраныстары мен өтініштері тыңдалды. Бұл жолы 18  адамның мәселесі тыңдалып,  заң талаптарына сай барлық сұрақтар зерделеніп, жауап берілетіндігі айтылды.

М.НҰРҚАСЫМОВА.