Төрімізге озған төбет жылы Алакөл спорты үшін табысты басталғанын мақтана айтуымызға болады. Талай тұлпарларымыз дүбірлі додаларда топ жарып, арғымақтарымыз аламан көшін бастауда. Мәселен, жуырда ғана облыс бойынша джиу-джитсу спортынан Қазақстан чемпионатына іріктеу өткен болатын. Аталмыш бәсекеге А.Нұрланұлының тәрбиесіндегі табанды, талапты тарландарымыз аттанды.

Он тоғыз ауданның намысы таразы басына түскен додада жерлестерміз жерге қаратпады. Он үш оғланымыз алтын, тоғыз саңлағымыз күміс, бес баламыз қола жүлдені қанжығаларына байлап, есептік көрсеткіш бойынша бірінші орынға жайғасты. Алтын жаудырған Д.Болат, Р.Алиасқар, А.Садырбек, И.Раписбай, И.Құмарұлы, Р.Ысқақов, А.Садырбек, Р.Ерік, Д.Құмарұлы, Б.Нұрғазинов, Д.Бауыржанов, А.Ахметов сынды азаматтарымызға құтты болсын айтамыз. Күміспен күптеп, қоламен қоржынымызды толтырған жерлертерімізге де тек жеңіс пен толайым жетістік тілейміз. Алакөл спорты жасай берсін!

АЛМАТ ЕСЕНБЕКОВ.