Жуырда аудан әкімі аппаратының мемлекеттік қызметтер  мониторингі және ақпараттық технологиялар бөлімшесі,«Нұр Отан» партиясы аудандық филиалы, аудандық жұмыспен қамту орталығы және аудандық жастар ресурстық орталығы бірлесе отырып мемлекеттік қызметтерді алу барысында қолайлы әрі кедергісіз жағдайлардың жасалуы бойынша мемлекеттік қызмет көрсететін мекемелерде тексеріс жүргізді.

Зерделеу барысында талдау тобы жұмыспен қамту және әлеуметтік бағдарламалар бөлімі, қалалық әкімдік аппараты, ауыл шаруашылық бөлімі, аудандық жолаушылар көлігі және автомобиль жолдары, сондай-ақ жер қатынастары бөлімінің жұмыстарын сынға алды.

Мемлекеттік қызметтер мониторингі және ақпараттық технологиялар бөлімшесінің басшысы Е.Төкенов әрбір ғимаратта мемлекеттік көрсетілетін қызметтер стандарттары мен регламенттеріне сәйкес мемлекеттік қызметтер көрсету, мүмкіндігі шектеулі адамдардың мемлекеттік кызметтерді алу кезінде оларға қажетті жағдайлар жасау, қызмет көрсету тәртібі туралы қолжетімді нысанда толық және анық ақпарат ұсыну жайлы түсіндіріп, ішкі және сыртқы жағдайларын стандартқа сай болуын талап етті.

Аталмыш мекемелердің сыртқы және ішкі көріністерінің талаптар тізбесіне сай емес тұстарына ескертпелер жасалынып, бақылау парағы толтырылды. Берілген тапсырмаларды іске асыруға бір ай көлемінде уақыт берілді.

М.НҰРҚАСЫМОВА.