Атом электр стансасын қолдау жөніндегі штаб мүшелері Теректі ауылдық округінде болды.
Теректі орта мектебінде өткен кездесуге ауыл тұрғындары, белсенді жастар, ақсақалдар кеңесі мен аналар кесеінің, қоғамдық кеңес мүшелері, мектеп ұстазтары қатысты.
Барлығының да ойы бір – АЭС салу тиімді ме және қауіпсіздігіне кім кепіл береді?
Штаб мүшелері Қ.Көкебаев пен А.Есенбеков осы бағытта түсіндірме жұмыстарын жүргізіп, АЭС құрылысын қолдау арқылы біз қандай ұтымды жақтарына ие болатынымызды айтып өтті.

Соның ішінде өнеркәсіптің дамуына, жаңа жұмыс орындарының ашылуына, елімізді электр қуатымен толықтай қамтып, шет елдерге тәуелділіктен арылуға, білім мен ғылымды, медицинаны дамытуға, жаңа инвесторлар тартып, алып зауыт-фабрикалар салуға берер мүмкіндігі жайлы сөз қозғады.
Тұрғындар тарапынан АЭС салу бойынша жағымды пікірлер айтылып, қолдау білдіретіндерін жеткізді.