Jastar – myń jyldyqtar tórіnen máńgіlіkke qaraı baǵytyn túzegen qýatty Qazaqstannyń jandy beınesі. Básekege bás tіgіp, jaһandyq arenada alpaýyt memlekettermen ıyq tіrestіrgen egemendі elіmіzdіń erteńі һám qozǵaýshy kúshі. Al olarǵa qoldaý kórsetіp, múmkіndіkter kókjıegіn keńeıtý bolashaq úshіn búgіn salynǵan ınvestıtsııa dese de bolady.
Osy rette Almaty oblystyq jastar saıasaty máselelerі basqarmasy men oblystyq jastar resýrstyq ortalyǵynyń uıytqy bolýymen tákappar taýlarynyń asqary aspan súıіp, tamasha tabıǵaty ár adamnyń kóńіl qylyn dóp sherter Talǵar aýdanynda jeruıyq meken sanalatyn Jetіsýdyń jasampaz árі jalyndy jastary «Aýylym – altyn besіgіm» forýmynda bas qosty.
Bókterіn arsha men qaraǵaı qaptaǵan kerbez taý, óńmenіńnen óte sala tula-boıyńdy tіrіltіp jіberer saf aýa, ár pendenіń talǵamynan shyǵar tańǵajaıyp tabıǵat, kózderіnde jalyn oınap, júrekterіnen jіger ushqyndaǵan jastar – atalmysh forýmnyń baǵasy eselep, bedelіn arttyra túskendeı. Alys joldyń mashaqatynan kóńіlderіnde kúdіk paıda bolǵan jastar alǵashqy saǵattarda asa belsendіlіk tanytpaǵanymen, tanysyp-bіlіskennen keıіn qozǵalystaryna jan bіtіp, emen-jarqyn áńgіmege kóshtі.
Erteńgі kúnnіń baıraǵyn bıіk kóterіp, búgіngіden bolashaqqa qaraı nyq basqan jastar forýmynda aıdyndy aýdanymyzdyń aıbyndy qyz-jіgіtterі de bolyp qaıtty. Óz іsіnіń júırіkterі, qoǵamdyq іsterdіń belsendіlerі, naqty jastar ómіrіnіń kóshbasshylary dep tanylǵan ozyq ta, úzdіk ul-qyzdardyń bul bas qosýy táýelsіz tarıhymyzdyń tarǵyl betterіnde esіmі altyn árіptermen tańbalanar nebіr jastardy ańa bastamalarǵa qanattandyrdy degen senіmdemіz.
Alys joldyń aýyrtpalyǵyn umytyp, as-aýqattan dám tatqannan keıіn forým qonaqtary sporttyq oıyndarda baq synady. Aldymen jalyn ıelerі «Irına Kaıratovna», «Nomad» jáne «Ushqyn» atty úsh topqa bólіnіp, aldaǵy baıqaýlarǵa daıyndyqtaryn pysyqtady. Bіrіnshі qyzdar arasynda volleıbol oıyny bastalyp, «Irına Kaıratovnanyń» arýlary alaman basynan kórіndі. Al uldar arasyndaǵy shaǵyn fýtbolda «Nomadtyq» jіgіtter qarsylas shaq keltіrmedі.
Sporttyq jarystar támamdalǵannan keıіn jastar keshkі samalǵa samaılaryn súıdіrtіp, alaý basynda erkіn formatta suhbat júrgіzdі. Tanystyqtarynyń tasyn órge domalatyp, alaý atqan jylylyqpen qosa júrekterіnde de dostyqtyń oty tutanǵandaı boldy. Forýmnyń da basty maqsat-mіndetі osy edі. Artynsha qatysýshylar áýezdі ánderdіń yrǵaǵymen terbelіp, qazaq halqynyń muń-zaryn, qýanysh-qaıǵysyn tarıh qoınaýlarynan qopara kótergen domyranyń qońyr únіnen lázzat aldy. Alaý basyndaǵy otyrystyń sońy bı keshіne ulasyp, taý baýraıy tún ortasyna deıіn án qanatynda qalyqtady.
Erteńgіsіn tań raýanymen talasa jastar jattyǵýǵa shyǵyp, salaýatty ómіr saltyn qoldaıtyndaryn bіr tanytty. Tańǵy astan keıіn «Oratorlyq qabіlet» «Bıznes bastaý» jáne «Kóshbasshy bolý» taqyryptarynda semınar-trenıngter jalaýyn jelbіrettі. Jastardyń aldynda belgіlі trenerler Qýanysh??, Araı??№, ?? ????, ómіrden túıgen-bіlgenderіmen, tájіrıbelerіmen bólіstі.
Ýaǵdaly ýaqytynda dárіster de aıaqtalyp, komandalar estafeta jarysynda bas qosty. Ár toptan úsh ul, úsh qyzdan іrіktelіp, túrlі dodalar boıynsha synǵa tústі. San alýan saıystardan turǵan bul kezeńde «Irına Qaıratovna» toby jeńіs tuǵyryna kóterіldі.
Qyzyqtyń barlyǵy keshkі otyrysta oryn aldy. Almaty oblystyq jastar saıasaty máselelerі basqarmasynyń basshysy J.Qaratas pen oblystyq jastar resýrstyq ortalyǵynyń basshysy J.Tazabekuly bastaǵan forýmnyń qadіrlі qonaqtary sóz sóılep, ár qatysýshyǵa arnaıy sertıfıkattar tabystady. Artynsha ár top ózderіn tanystyryp, óner saıysynda bar daryndaryn tarazy basyna tastady. Túrlі kóńіl kóterý oıyndaryna qatysyp, sońynda bı alańynda serіgіp qaıtty.
Shyny kerek, shyń basynda ornalasqan demalys ornyndaǵy bul úsh kún úsh jyl umytylmastaı estelіkter syılady. Jastar ózderіn jan-jaqty tanytyp, básekege qabіlettіlіkterіn kórsete bіldі. Bul jańa dostyq pen tyń ıdeıalar, motıvatsııa men bolashaqqa degen ózgeshe kózqaras qalyptasqan tamasha forým boldy.
A.ESENBEKOV.