Мемлекет басшысы Қ.Тоқаев қаңтар оқиғалары туралы эксклюзивті сұхбат берді. Сұхбатта президент қоғамды алаңдатқан қасіретті қаңтар оқиғасының себептері мен салдарын түсіндірді. Сонымен қатар алдағы саяси және әлеуметтік реформалар, Қазақстанныңң сыртқы саясаттағы негізгі серіктестерімен қарым-қатынастары туралы сауалдарға жауап берді.
Алматыға гастарбайтер атын жамылып, ұшып келген содырлар шабуыл жасағанымен басталған әңгімелесуде «Мұның артында кім тұр деп ойлайсыз» деген журналист сауалына Мемлекет басшысы бұның әлі зерттелетінін және мұқият тергелетінін айтып өтті. Сонымен қатар Алматы қаласының әкімі Б.Сағынтаевтың отставкасы және Алматының бұрынғы атауын қайтару туралы сөз қозғады. Сондай-ақ, қаңтардағы оқиғалар кезінде Қазақстанның Тұңғыш Президентімен арада қандай да бір келіссөз болмағанын тілге тиек етті.
Жалпы, Президенттің қоғамда жиі талқыланып, көпшіліктің көкейінде жүрген маңызды сауалдарға берген нақты әрі тұшымды жауаптары көпшіліктің көңіліне сенім ұялатқаны анық.
Бүгінде еліміз қаңтар оқиғасы салдарынан орын алған қиындықтарды сәттілікпен жеңіп, жаңару кезеңіне қадам басып келеді.
Сондықтан, халқымыз «Бірлік болмай, тірлік болмас» демекші, баршамыз бір шаңырақ иесіндей жұдырықша жұмылар болсақ, елімізді дамудың жаңа деңгейіне көтеретініміз сөзсіз.
Ө.ҚОЙШЫМАНОВ,
аудандық Ауған соғысы ардагерлерінің төрағасы.