Қазақылықтың иісі аңқыған Екпінді ауылдық округінде қазіргі таңда саяси науқан – әкім сайлауы өтпекші. Аталған лауазымға үш азамат үміткер болып, халықтың сеніміне ие болу үшін қарқынды жұмыстар атқаруда.

«Ел үшін еңбек етемін» деген тәмсілді ұран еткен үміткер Е.Абиев те насихат жұмыстарын қызу жалғастыруда.

-«Мен тұрғындардың әл-ауқатын және ауылдың әлеуметтік жағдайын жақсартуға барлық тәжірибемді және білімімді жұмсаймын.

Сенімдеріңіз бен дауыстарыңызға ие болып жатсам округтің әлеуетін көтеру мақсатында инвесторлар тартып, жаңа жұмыс орындарының ашылуына ықпал етемін, округ елді мекендерін көгалдандыру мен абаттандыруға негізделген жұмыстарды жандандырамын, аңадан салынатын әлеуметтік маңызды нысандар құрылысының мерзімінде және сапалы аяқталуына бақылау жасаймын»,- дейді үміткер. Бұдан бөлек те сайлауалды бағдарламасында көрсетілген жоспарлы жұмыстар мол.

Насихат барысында тұрғындармен жекелей жүздесіп, мекемелерді аралап, мектептер мен балабақша ұжымымен, ауыл шаруашылығында жүрген жұмысшылармен кездесіп, ауыл ертеңін талқылады.