Елбасы Н.Назарбаеватың жуырда жарық көрген «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында көтерілген жалақы мәселесі бойынша аудан әкімдігінің үлкен мәжіліс залында кездесу ұйымдастырылды.

Аталмыш басқосуды өңір басшысының орынбасары А.Аханова ашып, жүргізді.

Оған аудандағы кәсіпорындар мен ірі және орта шаруашылықтардың басшылары, кәсіподақ төрағалары, округ әкімдері қатысты.

Бәрімізге белгілі болғандай Президент аталмыш Жолдауда Үкіметке 2019 жылдың 1 қаңтарынан бастап ең төменгі жалақы көрсеткішін 1,5 пайызға ұлғайтып, 28 мың 284 теңгеден 42 мың 426 теңгеге көтеруді тапсырған болатын.

Осы ретте сөз алған аудан әкімінің орынбасары А.Аханов: «Ұлт көшбашсының көреген саясатының ықпалымен ендігі жылдан бастап ең төменгі еңбекақ көлемі еселенетін болды. Бұл барлық сала бойынша түрлі меншік нысандарындағы кәсіпорындарда қызмет ететін 1 млн. 300 мыңға жуық адамның жалақысын тікелей қамтымақ. Осы мақсаттарға 2019-2021 жылдарда республикалық бюджеттен жыл сайын қосымша 96 млрд. теңге бөлінбек.  Сол арқылы ең төменгі жалақының жаңа мөлшері бүкіл экономика аумағындағы еңбекақы өсімінің каталзаторына айналады. Бұл игілікті іс біздің де ауданды сырт айналып өтпейді. Қазіргі уақытта бюджеттік мекемелерде жұмыс істейтін 1,8 мың қызметкерге қатысты тиісті істер атқарылуда. Олардың қатарында жергілікті округ әкімдіктері аппараттарынан 83, аудандық бөлімдерден 38, денсаулық сақтау мекемелерінен 157, білім беру орындарынан 1376, өзге де жұмыс нысандарынан 191 қызметкер бар»,- дей келе, осы бағытта атқарылар ауқымды шараларды бір шолып өтті.

Аудандық жұмыспен қамту және әлеуметтік бағдарламалар бөлімінің басшысы А.Садирбекова аталған бастаманың қарапайым халыққа әкелер орасан пайдасы жайында әңгіме өрбітсе, «Атамекен» кәсіпкерлер палатасы аудандық филиалының кеңесші-менеджері А.Кекбаева ірі шаруашылық, кәсіпорын басшыларын осы іске асалысуға шақырды.

Алматы облысы бойынша еңбек инспекциясының бөлім басшысы, мемлекеттік еңбек инспекторы Ә.Арапов аудандағы 13 мемлекеттік мекемеде аталған мөлшерден төмен жалақы алатын қызметкерлер тізімі жинақталып, олардың еңбекақысы тиісті көлемге көтерілетінін, сондай-ақ Достық кентінде орналасқан «Кедентрансервис» ЖШС және теміржол саласында қызмет ететін мекемелер де жаңа жылдан бастап осы істі қолға алатындықтарын жеткізгенін тілге тиек етті.

Артынша жиналғандар тарапынан бірнеше сұрақ қойылып, тұщымды жауаптар алынды.

А.ЕСЕНБЕКОВ.