Жуырдааудандықбалалар мен жасөспірімдер спорт кешенінде«Алакөл ауданының жастары» ресурстық орталығының ұйымдастыруымен Президентіміз Н.Назарбаевтың «Болашаққа бағдар: рухани жаңғыру» бағдарламалық мақаласы аясындааудан әкімі, «Нұр Отан» партиясы аудандық филиялының төрағасы Ә.Жақанбаев өңір жастарымен кездесті.

Ауданымызда тұңғыш рет өткізіліп отырған ауқымды шараға жастар ісі жөніндегі нұсқаушылар, жұмысшы жастар, «Дипломмен ауылға», «Жасыл ел», «Серпін-2050», «Жастар практикасы» мемлекеттік бағдарламаларының қатысушылары, «Көшбасшы» жастар сыйлығының иегерлері мен жастар корпусын дамыту жобасы байқауының жеңімпаздары, жас кәсіпкерлер, білім, денсаулық, мәдениет, спорт, ауылшаруашылық саласында қызмет ететін жалынды жастары, көп балалы жас отбасылар, әскери бөлімның сарбаздары, жастар қоғамдық бірлестігінің өкілдері қатысты.

Жастармен еркін пікір алмасқан аудан əкімі Ә.Жақанбаев өңірдегі атқарылып жатқан жұмыстар туралы айтып өтіп, болашақтың иегерлері қазіргі жастар өте білімді, жоғарғы санатты азаматтар болуы тиіс екендігіне тоқталып, «Нәтижелі жұмыспен қамту және жаппай кәсіпкерлікті дамыту», «Бизнестің жол картасы – 2020», «Дипломмен – ауылға!», «Серпін — 2050», «Жасыл ел» жобалары жалын иелеріне үлкен мүмкіндіктер ашып отырғандығын айтты.

Кездесу барысында өңір басшысынасан – түрлі сала өкілдері өздерінің көкейкесті сауалдарын жолдап, қанағаттандырарлық жауаптар алды. АртыншаӘ.Әскербекұлы игіліке толы шара жылына бір, екі рет қайталанып отыратындығын айтып, өңір жастарын қуантып тастады.
Бұдан әрі қатысушылардың тарапынан білдірілген ұсыныстардың басым бөлігі қолдау тауып, аудан әкімінің көңілінен шықты. Бір сағатқа созылған басқосу соңында өнерлі жастар өңір басшысына арнап ән шырқап, өлеңдер оқып, естелік суреттерге түсті.

Жалпы ауданымызда14262 мың жас бар, яғни олар өңір тұрғындарының 20%-ын құрап отыр. Жастар саясатын жүзеге асыру мақсатында аудандық жастар ресурстық орталығы қызмет атқаруда. Ал, әр ауылдық округтегі әдіскер нұсқаушылар өскелең ұрпақтың белсенділіктерін арттырып, тығыз қарым-қатынас орнатуда.Биылғы жылғы жұмыс жоспарына сәйкес 12156 жас әлеуметтік маңызы бар 137 іс-шара ұйымдастырды. Анығырақ атап айтсақ 42 кездесу, 33 спорттық, 45 мәдени шаралары мен 17 акция өткізді.

А.ИМАНАСОВА.