«AMANAT» партиясының ҰОС Жеңісінің 80 — жылдығын мерекелеу жөніндегі іс-шаралардың желілік кестесіне сәйкес Ер есімі — ел есінде! атты челлендж жалғасуда «(Нурпеисов Төлеуғали 1920-2006ж.ж)
Нурпеисов Төлеуғали 1920 жылы 20 мамыр күні Жыланды ауылында дүниеге келген.Москвадағы 125 ОСЗ / отдельно стрелковый заводта өз борышын өтеп жүргенде 1941 жылы соғысқа шақырылды. Осы жерден Москваны қорғауға қатысып, 1942 жылы 6 ақпан айында соғысқа аттанады. Ең бірінші Белоруссия аймағында ұрысқа қатысып, Белоруссияда «Старый русский» селосын азат етіп жүріп, оң қолына минаның жарықшағы тигеніне қарамастан соғысты жалғастырды.

Осы селоны азат еткені үшін «Красная звезда» орденімен марапатталды.

1942 жылы қазаннан 1943 жылы қарашаға дейін оң аяғына оқ тиіп, госпитальда емделген. Сұрапыл соғыстан 1946 жылы маусым айында оралды.
1946 жылы қыркүйек айында Андреевка ауданы Фурманов орталау мектебінде әскери тәрбие пәнінің жетекшісі болып жұмысқа орналасқан.
Зейнеткерлікте жүріп 1994 жылға дейін «Ардагерлер кеңесінің» төрағасы болып қызмет атқарады. Осы жылдарда сельсоветтің депутаты болып сайланады.
Соғыстағы ерліктері үшін «Қызыл жұлдыз», «Отан соғысы II-дәрежелі» ордендерімен, ҰОС кезінде «Германияны азат ету», «ҰОС-30 жыл», «ҰОС-40 жыл», «КСРО-ның Қорғаныс құрылуына 50 жыл», «1941-1945 жылдары ҰОС Жеңіске 60 жыл» медальдармен марапатталған.

«Қаржы қызметінің үздігі» белгісімен марапатталған.
Төлеуғали Нурпеисов 2006 жылы 12 ақпанда дүниеден озды.
Айдана АРҒЫМБЕКҚЫЗЫ аудандық партия филиалының консультанты