Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті (бұдан әрі-Департамент) «Жастар» спорт клубы» МКҚК, Жетісу облысының дене шынықтыру және спорт басқармасы және Талдықорған қаласының тіркеу және жер кадастры бөліміне Нұсқамалар шығарып, монополияға қарсы заңнаманың бұзушылықтарын жойды.
Тексеру барысында «Жастар» спорт клубының Жарғысына монополияға қарсы органмен келісілмеген қызмет түрлері енгізілгені анықталды. Жарғыны дене шынықтыру және спорт басқармасы бекітіп, Тіркеу және жер кадастры бөлімінде қайта тіркеуден өткен, алайда спорт клубтары мен командалар қызметін жүргізуге монополияға қарсы органның келісімі болмаған.
ҚР Кәсіпкерлік кодексіне және «Заңды тұлғаларды мемлекеттік тіркеу туралы» ҚР Заңына сәйкес мемлекеттік кәсіпорындар монополияға қарсы органның келісімінсіз қызмет түрлерін өзгерте немесе кеңейте алмайды, сондай-ақ қайта тіркеуден өте алмайды.
Бүгінгі күні анықталған бұзушылықтар жойылды, Департаменттің Нұсқамалары орындалды.