Жаһандық бәсекеге бейімделу жолында жаңғыру сүзгісінен өткен мемлекетеміз биыл өз алдына жаңа міндеттер қойды. Әлем аренасындағы азуын айға білеген алпауыт отыз елдің қатарына қосылу мақсатында Елбасы Н.Назарбаев «Қазақстандықтардың әл-ауқатының өсуі: Табыс пен тұрмыс сапасын арттыру» атты халыққа Жолдауын жариялады. Бір айта кетерлігі аталмыш Жолдауда жастардың жасампаз болашағы үшін жасалатын жоспарлар мол.

Оның алғашқысы 2019 жылды Жастар жылы деп бекітуі. Сондай-ақ балабақшадағы тәрбие мен мектеп қабрғасындағы білім, жоғарғы оқу орындарындағы тәлім сынды түрлі тақырыптар талқыға түсті. Жастар арасындағы салауатты өмір салты мен спортқа деген қызығушылықты еселеу мақсатында кемінде 100 спорттық нысан салу тапсырылды. Өскелең ұрпақтың бос уақытын тиімді пайдалану мақсатында да көптеген ілкімді істер атқарылмақ. Бұның барлығы Қазақстанның болашағын уыстарында ұстаған жастардың әмбебап яғни кез-келген іске келгенде белсенді болуларын көздеуде. Себебі жаһандық бәсекелетік өршіген заманда әлем нарығында «Қазақстандық жастар» деген атты қалыптастыру басты міндеттердің қатарын толықтырып тұр.

Біз жастар Елбасына қолдау білдіре отырып Жолдауда міндеттелген жобаларды жүзеге асыруда аянып қалмаймыз демекпіз.

Ж.НАУРЫЗБАЕВ,

аудандық жастар ресурстық орталығы жетекшісінің міндетін атқарушы.